Прадметная суботу па гуманітарных дысцыплінах

Стала добрай традыцыяй праводзіць у гімназіі прадметную суботу па гуманітарных дысцыплінах (беларуская мова і літаратура, руская мова і літаратура).
19 кастрычніка 2019 года настаўнікі-філолагі Гальчэня А.У., Рашчэня Л.А., Крэмень Н.А. правялі філалагічны квэст сярод вучняў 5,6,7,8 класаў. Для гульні былі вылучаны 4 станцыі: “Беларуская мова”, “Руская мова”, “Беларуская літаратура”, “Руская літаратура”. На кожнай станцыі былі прапанаваны разнастайныя творчыя заданні адпаведна ўзросту.

На станцыі “Беларуская мова” – гульня “Алфавіт”, “Угадай слова”, “Слабае звяно”, пераклады з рускай мовы. На станцыі “Беларуская літаратура” вучні мелі магчымасць праверыць свае веды па літаратуры: успаміналі вывучаныя творы, аўтараў, герояў, адгадвалі загадкі, чыталі вершы на памяць. На станцыі “Руская мова” разам з героямі Прастаквашына, Смяшарыкамі выконвалі заданні па раздзелах “Фанетыка”, “Арфаграфія”, “Марфалогія”, “Сінтаксіс”. На станцыі “Руская літаратура” падарожнічалі па казках А.С.Пушкіна, адказвалі на пытанні віктарыны па вывучаных творах.

Перамогу ў гэтай інтэлектуальнай барацьбе атрымалі вучні 7 класа. Самыя актыўныя і дасведчаныя вучні былі адзначаны і заахвочаны высокімі адзнакамі па прадметах.
Прадметная субота садзейнічае развіццю творчых здольнасцей вучняў. Прадметная субота – гэта цудоўная магчымасць развіваць цікавасць і выхоўваць неабходнасць вывучаць беларускую і рускую мовы і літаратуры.